Metal Garrasia 211! Mundu Kopa Metaleroaren final handia!

Zazpigarren denboraldi hau ixteko Mundu Kopa Metaleroko finala izango dugu. Multzo bakoitzeko irabazleak elkarren aurka izango ditugu bertan, ondorengo ordezkariekin: Crossfaith (Japonia), Nautiluz (Peru), Angelus Apatrida (Espainia), 1 Last Autograph (Nigeria), Abinchova (Suitza), Remnants of the Fallen (Hego Korea), Opposing Motion (Ingalaterra) eta Arkona (Errusia). Urrian bueltan izango gara metal gehiagorekin. Stay Metal!

Deskargatu

Advertisements

DescripciĆ³n de Metal Garrasia 210! Kalevala eta Mundu Kopa Metaleroa (5. zatia)!

Gaurko saioan Eskandinabiara bueltatuko du begirada Brutal jaunak, baina ez Bikingoetaz aritzeko, Finlandiako mitologiako obrarik esanguratsuena aurkezteko baizik, Kalevala izanik. Munduko herrialderik metaleroena izanik ez zaio kostatu kondaira hauei buruzko abestiak aurkitzea. Dyerth-ek bere aldetik Mundu Kopa Metaleroko multzoei amaiera ematen die H multzoarekin; Maila beretsuko herrialdeak batu dira bertan futbolari dagokionez eta Metalean ere berdintsua gertatu da horietako hirurekin, Kolonbia, Japonia eta Poloniarekin, baina ezinezkoa izan da Senegaleko Metal proposamenik aurkitzea. Gainerakoan euskal proposamenak izango ditugu nagusi, The Broken Horizon-en “Oui”, Auritz-en “Nahi”, Sentimen Beltza-ren “Koloreak” eta Sabotaje-ren “Nunca Mas” abestiekin.

Deskargatu

Metal Garrasia 209! Mundu Kopa Metaleroa (4. zatia)!

Gaurko saioan Mundu Kopa Metaleroko kanporaketen azken aurreko aurkezpenarekin goaz. Brutal F multzoarekin datorkigu, Alemania, Hego Korea, Mexiko eta Suediako proposamenekin. Dyerth-ek bere aldetik G multzoa aurkezten digu, Belgika, Ingalaterra, Tunisia eta Panama-ko taldeeekin. Gainerakoan, Injector-en “Stone Prevails” eta Tremonti-ren “A Dying Machine” abestiak izango ditugu entzungai.

Deskargatu

DescripciĆ³n de Metal Garrasia 208! Mundu Kopa Metaleroa (3. zatia)!

Mundu Kopa Metaleroan jarraitzen dugu gaurko saioan ere. Kasu honetan D multzoarekin dator Brutal Jauna, Argentina, Islandia, Kroazia eta Nigeriako proposamenekin; eta Dyerth E multzoarekin datorkigu, Brasil, Costa Rica, Serbia eta Suitzako taldeekin. Gainerakoan, Kataklysm-en “Outsider”, Ghost-en “Rats” eta Kekal-en “Sanity Away From Sanity” abestiak izango ditugu entzungai.

Deskargatu

Metal Garrasia 207! Mundu Kopa Metaleroa (2. zatia)!

Gaurko saioan Mundu Kopa Metaleroan burubelarri murgilduko gara. B multzoarekin hasiko da Dyerth, Iran, Maroko, Portugal eta Espainiako proposamenekin, eta Brutal jaunak C multzoa ekarriko digu, Frantzia, Australia, Danimarka eta Peruko abesti partehartzaileekin. Gainerakoan, Subsignal-en “La Muerta” eta Nils Patrik Johansson-en “Evil Deluxe” abestiak izango ditugu entzungai.

Deskargatu

Metal Garrasia 206! Bloodywood eta Mundu Kopa Metaleroa!

Saio bereziak alde batera utzita saio normal batekin bueltatzen gara. Futboleko hitzordu nagusia hurbiltzen ari dela eta, Munduko Kopa Metaleroa antolatu du Dyerth-ek. Gaurkoan lehen multzoarekin ekingo diogu, Errusia, Saudi Arabia, Egipto eta Uruguay-rekin. Brutal bere aldetik Proposamen bitxi batekin dator Indiatik. Pop abestien coverekin ezaguna egin den Bloodywood taldearekin. Gainerakoan, Babymetal-en “Distortion”, Alkaloid-en “Azagthoth” eta Amorphis-en “Amongst Stars” abestiak izango ditugu entzungai.

Deskargatu

Metal Garrasia 205! Sentimendu metaleroak!

Atseden luze baten ostean bueltan gara berriz ere beste saio berezi batekin. Kasu honetan baladak izango ditugu mintzagai, Euskal Herriko zein nazioarteko abesti nahiko ezagunekin, metal zaleek (batzutan) gure sentimenduak ditugula erakutsiz.

Deskargatu

Metal Garrasia 204! Baskonia Non Metal Garrasia Han vol.7 eta emakumeak metalean!

Baskoniaren eskutik metal bidaiekin jarraitzen du Dyerth-ek, Valentziako metal proposamen interesgarriak aurkeztuz. Brutalek bere aldetik tarte aldarrikatzailea dakar, emakumeen nazioarteko eguna autokritika egiteko baliatuz, emakumeak metalean duen eta izan behar duen lekua aztertuz. Gainerakoan, Judas Priest-en “Never The Heroes”, Ministry-ren “Wargasm”, Between the Buried and Me-ren “Millions” eta Ikus-en “Kintesentzia” abestiak izango ditugu entzungai.

Deskargatu

Metal Garrasia 203! Saint Patrick’s!

Saio berezia dugu gaurkoan, Irlandarren egun nagusia ospatzeko, Saint Patrick’s eguna hain zuzen ere. Musika zeltiarra eta talde irlandarren bertsio interesgarriak izango ditugu bertan. For the craic!!

Deskargatu

Metal Garrasia 202! Alejandro Magno metalean eta Erreala Non Metal Garrasia Han vol.5!

Gaurkoan historiarekin ekingo dio saioari Brutal jaunak, munduan egon den estratega aipagarrienetako batekin, Alejandro Magnorekin, beti bezela bere lorpenak aipagai izan dituzten metal abestiez lagundurik. Dyerth-ek bere aldetik Errealaren azken fitxaketa (Miguel Angel Moya atezaina) dela eta balear uharteetako metal proposamenak ekarriko dizkigu. Horretaz gain, aspaldiko partez Facebook-en kontaktatu gaituzte, eta errekonpentsa moduan saioan zehar Lurgorr Balmasedako taldearen EPa izango dugu entzungai, bere Death Thrash melodiko interesgarriarekin.

Deskargatu