Metal Garrasia 142! Dentera eta Lupara The Widowmaker!

denteraSaio honetan ere Euskal Metalarekin etorriko zaigu Brutal jauna, kasu honetan Dentera altsasuarrekin. Proiektu paralelo bezela hasi ondoren laister hasi ziren abesti propioak sortzen gazteleraz zein euskeraz. Aurten aurkeztu diguten abestiarekin badirudi aldaketa bat emango dutela estiloan, Eskal Heavy Metal klasikora hurbilduz; kuriositatez bete gaituen abestia entzungo dugu, “Kontuan Hartu” izenekoa. Erdiko tartean efemerideak izango ditugu, eta lupara the widowmakeramaitzeko Death Metalarekin dator Dyerth, Hungarian zegoela ezagutu zuen talde txekiar batekin, Pragako Lupara: The Widowmaker. Mafian Death Metal bezela deskribatzen dute euren musika abestien tematika dela eta; “Way of Blood” abestia entzungo dugu adibide moduan. Gainerakoan, Necronomicon-en “Unification of the Four Pillars“, Unguided-en “Enraged“, Textures-en “Shaping A Single Grain Of Sand“, Circus Maximus-en “Havoc” eta Killswitch Engage-en “Hate By Design” abestiak entzungo ditugu.

Deskargatu

Advertisements

Metal Garrasia 141! Pokolgep eta Eraso!

eraso!Gaurko saioari ekiteko Euskal Metala ekarriko digu Brutal jaunak, zarauzko Eraso! taldearekin. Talde mitikoak 20. urteurrena ospatu berri du, Kaiolatik Ihes lan berriko aurrerapen abestia kaleratuz, saioan entzuteko aukera izango duguna, “Sua.Herra.Mina” izenekoa. Erdiko tartean Asteko nobedadeak izango ditugu, Metal progresiboa, Metalcorea, Death Metala eta Black Metal tartekatuz. PokolgepAmaitzeko Metala Non, Metal Garrasia Han tarte kuttuna berreskuratzen du Dyerth-ek, Hungariako Pokolgep talde historikoarekin. Heavy Metalaren aitzindari hauek bizirik jarraitzen dute, eta Metalbomba deituriko 12. estudioko lanarekin datoz, honakoa bezelako temazoekin, “Az Álarc Lehull” (Mozorroa/Maskara eroriko da). Gainerakoan, Amon Amarth-en “First Kill“, Last in Line-en “Starmaker“, Serenity-ren “Iniquity” eta Fleshgod Apocalypse-ren “Gravity” temazoak izango ditugu.

Deskargatu

Metal Garrasia 140! Oceans Red eta Elffor!

oceans redGaurko saioa Metalcorearekin hasiko du Dyerthek, Horretarako Ukrania aldera hurbilduz, bertan sortu baizen Oceans Red proiektua, Make Me Famous talde aitzidariko kide ohiekin. Proiektuak aldaketa bat bilatu zuen Joel Holmqvist abeslariaren eskutik, eta metalcoretik haratago doan proposamen interesgarria aurkezten digu Anevidence lan berrian; Horren adibide “The Death Round” izeneko temazo hau. Erdiko tartean efemerideak izango ditugu Brutalen eskutik, eta jarraian elfforEuskal Metal proposamen interesgarri batekin etorriko zaigu. Elffor one man band bat da, Numen eta Suffering Down taldeetan aritutako EOL-ek sortua 1995ean. Black Metal Sinfoniko bezela deitua da, eta elementu ambiental oso aberatsak jasotzen ditu. Buruzagi Ilunaren Bilduma izeneko lana kaleratu zuen iaz, eta bertako abesti baten zati bat entzungo dugu (Ez baititugu 15 minutu osorik jartzeko), “Gaua” izenekoa. Gainerakoan, Avantasia-ren “Ghostlights“, Vendetta FM-ren “Hombre Nuevo“, Votum-en “Satellite” eta Entombed A.D.-ren “Midas In Reverse” abestiak izango ditugu.

Deskargatu

Metal Garrasia 139! Guns N’Roses eta Crystal Lake!

gunsandrosesGaurko saioari Metal Eroak tartearekin ekingo dio Brutal jaunak, Guns N’Roses taldearen bateratzea dela eta; Axl Rose, Slash eta besteek taldearen urte gorenetan utzitako anekdota barregarri eta bitxienak errepasatuko ditugu bertan. Erdiko tarterako asteko nobedadeekin joango gara, beti bezela estilo aniztasun andiarekin, eta nola ez, Black Metal proposamen batekin. crystal lakeAmaitzeko, Metalcore proposamen bat dakar Dyerth-ek, azkenaldian nahiko ahaztua geneukan herrialde batetik, Japoniatik hain zuzen ere. Crystal Lake du izena proiektuak, eta The Sign izeneko hirugarren estudioko lana kaleratu zuten 2015eko amaiera aldera. Abesti interesgarriz osatuko lana dugu, horren adibide entzungo dugun abestia, “Mercury”. Gainerakoan, Megadeth-en “Dystopia”, Resurrection Kings-en “Path of Love”, Abbath-en “Ashes Of The Damned”,Anthrax-en “Breathing Lightning” eta Mysterika-ren “Trozos de papel” abestiak izango ditugu.

 

Deskargatu

Metal Garrasia 138! Polygon eta Childrain!

polygonGaurko saioa bere tarte kuttunarekin irekitzen du beste behin Brutal jaunak, Metal Librea noski, non Ipar Karolinako Polygon taldea ezagutzeko aukera izango dugu. Metal alternatibo bezela deskribatu daiteke nahiz eta progresibo, djent edo nu metal ikutuak argi antzeman daitezkeen. Apeirogon izeneko maxisinglea kaleratu dute 2015ean, eta bertatik “Singularity” izeneko abestia entzungo dugu. Jarraian grabatzen dugun asteko efemeride batzuk aipatuko ditugu, childrainçeta amaitzeko Euskal Metalararekin joango gara, Childrain gasteiztarren eskutik. Metal eszenan leku bat egitea lortu dute beren lanen kalitateari esker, eta bide beretik doaz Matheria izeneko lanarekin. Entzutea merezi duen lana honakoa, eta horren adibide “The Farewell Parade” izeneko abesti puska hau. Gainerakoan, Skálmöld-en “Að Vetri“, Orpheus Omega-ren “Tomorrow’s Fiends and Yesterday’s Ghosts“, Lionheart-en “Pain“, Powerman 5000-ren “Invade Destroy Repeat” eta Melmak-en “Abyss” abestiak izango ditugu.

Deskargatu

Metal Garrasia 137! Chaos Before Gea eta Orden Ogan!

chaos before geaGaurko saioari Metal Librearekin ekiten diogu, Malagako Chaos Before Gea taldearekin. Bigarren estudioko lana aurkeztu dute aurten, Kharon izenekoa. Estreineko lanaren bidetik jarraitzen du, melodia indartxuak, erritmo aldaketak eta konponketa orkestral ugarirekin; Horren adibide dugu “Red Lights” abestia. Erdiko tartean efemerideak izango ditugu beste behin. orden oganEta saioa amaitzeko Power Metal Progresiboa izango dugu Alemaniatik, Orden Ogan taldearen eskutik. Bosgarren estudioko lanarekin datoz Sebastian Levermann eta bere taldekideak, Ravenhead izenekoa. Abesti melodikoak eta epikoak tartekatzen dituzten adibide, azken horren adibide entzungo dugun “FEVER” abestia. Gainerakoan, Gabezia-ren “Etorkizuna“, Gama Bomb-en “Ninja Untouchables/Untouchable Glory“,World To Come-en “New World Disorder“, Stone Sour-en “Sailin’ On” eta Primal Fear-en “The End is Near” abestiak izango ditugu.

Deskargatu

Metal Garrasia 136! Debon eta We Butter the Bread with Butter!

debonGaurko saioari Euskal Metalarekin ekingo dio Brutal jaunak bigarren aldiz, email bidez bere taldeen informazioa bidali zigun David Illarramendiri esker. Bi taldetan parte hartzen du Beasaindar honek, lehena aurreko astean ekarri genuen Hotzikara, eta bigarrena Debon izeneko Thrash taldea. Iaz kaleratu zuten lehen estudioko lana, bederatzi abestiz osatua; Bertako hiru abesti besteen gainetik daude, “Shock Egoeran”, “Nik Nire buruari” eta gaur entzuteko aukera izango duguna, “Putakumeak!”. Erdiko tartean efemerideak berreskuratuko ditugu. We Butter the Bread with ButteEta amaitzeko proposamen kaineroa ekarriko digu Dyerth-ek Alemaniako We Butter the Bread with Butter taldearekin. Izenak erakusten duen moduan ia broma bat bezela hasi zen taldea denborarekin proiektu serio bilakatzen joan zen, Electronicore proposamen interesgarri batekin. Aurten kaleratu dute laugarren estudioko lana, Wieder Geil!, Metal industrialetik hurbilago dauden abesti serioagoak taldearen izaera ganberroa erakusten duten abestiekin tartekatuz; horren adibide dugu “Berlin Berlin!” abestia. Gainerakoan, Return From The Grave-en “Soul’s Grime“, Physical Noise-en “Exodus“, Phrenetix-en “Piece Of Lie“, Gaelbah-ren “Salvation” eta Graveshadow-ren “Namesake” abestiak izango ditugu.

http://www.ivoox.com/metal-garrasia-136-debon-eta-we-butter-the_md_9670368_wp_1.mp3″ Deskargatu

Metal Garrasia 135! Thy Art Is Murder eta Hotzikara!

thy art is murderGaurko saioa Deathcore proposamen potente batekin irekitzen du Dyerthek, Australiako Thy Art Is Murder taldearekin. Polemika sortu du Australian aurten kaleratu duten Holy War izeneko lanak erlijioaren aurkako mezuak direla eta, baina hori alde batera utzita musikari helduko diogu, lanaren izen bereko abestia entzunda, “Holy War“. Erdiko tartean Asteko Nobedadeekin jarraituko dugu. hotzikaraAmaitzeko, Euskal Metala eta Metal Librea elkartuko ditu Brutalek Hotzikara taldearen eskutik. Iaz hasi ziren bigarren estudioko lana prestatzen baina atzerapen ezberdinak jasan dituzte masterizazioan zein taldekideen eginbehar profesionalengatik, eta 2015eko apirilean argia ikusi du azkenik, II izenarekin. bandcampen aurkitu dezakezuen lan hau hobeto ezagutzeko “Heldu” izeneko abestia entzungo dugu. Gainerakoan Nekez-en “Lokatzetako Igela“, Manegarm-en “Odin Owns Ye All“, Hatesphere-en “Lines Crossed Lives Lost“, Devil You Know-ren “Eye of the Tiger” eta Autopsy-ren “Waiting For The Screams” abestiak izango ditugu.

http://www.ivoox.com/metal-garrasia-135-thy-art-is-murder-eta_md_9578887_wp_1.mp3″ Deskargatu

Metal Garrasia 134! The Rodeo Idiot Engine eta Zenobia!

the rodeo idiot engineGaurko saioa irekitzeko Euskal Metala ekartzen digu Brutalek, The Rodeo Idiot Engine Iparraldeko taldearekin: Blackened screamo violence bezala deskribatzen dute beren estiloa. 2013an Consequences izeneko hirugarren estudioko lana kaleratu zuten, euskaraz, frantsesez eta ingelesez abesten dute bertan. Lan berriaren zain gauden bitartean Consequences horretako abesti bat entzungo dugu, “Behind the Scars” izenekoa. Erdiko tartean asteko nobedadeak izango ditugu berriz ere. zenobiaAmaitzeko, Power Metal proposamen bat dakar Dyerth-ek Euskal Herritik hurbil, Errioxatik hain zuzen ere: Zenobia taldea. Lan berria kaleratu dute aurten, Supernova izenekoa, eta horretaz gain taldearen ereserkietako bat, “Lo llevo en la Sangre” abeslari berriarekin bergrabatu dute. Azken laneko abesti bat aukeratu dugu guk, totalitarismoaren kritika zuzena, “El Sueño de un Loco” izenekoa. Gainerakoan, Mindpatrol-en “A Marble Throne“, Neter-en “Idols“, Screamer-en “On My Way” eta Skindred-en “Volume” abestiak izango ditugu.

http://www.ivoox.com/metal-garrasia-134-the-rodeo-idiot-engine-eta_md_9533594_wp_1.mp3″ Deskargatu

Metal Garrasia 132! Kalevala eta Flattened Frogs Massacre!

kalevalaGaurkoan Metala non, Metal Garrasia han tartean Kalevala taldea izango dugu; Errusiarrek folk metala errusiar kondairekin nahasten dute, gaitak, txiribituak eta hurdy-gurdy-ak bere soinuarekin nahastuz. “Gde Tvoya Nochevala Pechal” abestia horren adibide argia dugu. Erdiko tartean udako disko garrantzitsuenen azken errepasoa izango dugu, Amorphis, Symphony X eta Hate Eternal taldeen berrienarekin. flattened frogs massacreAmaitzeko, Euskal Metalean Urnietako Flattened Frogs Massacre deathcore talde gaztea izango dugu. Iaz kaleratu zuten estreineko lan luzeko abesti bat entzungo dugu, beatdown-a erritmo melodikoekin tartekatzen duena, “Erbesteratzera Behartuak” izenekoa. Gainerakoan, Dark Moor-en “Gabriel“, Ekram-en “Breakaway“, Overdry-en “Hoy Como Ayer“, Sakeo-ren “Piztiaren Semea” eta Black Tide-en “Angel in the Dark” abestiak izango ditugu.

http://www.ivoox.com/metal-garrasia-132-kalevala-eta-flattened-frogs-massacre_md_9492118_wp_1.mp3″ Deskargatu